Трет транснационален состанок од проектот DysCourse – Италија
Третиот транснационален состанок од проектот “Dyslexia online teaching courses – DysCourse” се одржа на 5-ти, 6-ти и 7-ми јули 2022 година во просториите на партнерската организација Фондацијата Хaлгартен Фрачети во Чита ди Кастело Италија.
Првиот ден состанокот започна со претставување на програмата од страна на проектниот координатор на проектот од организацијата Фондацијата Халгартен Фрачети , Виргџинија Макони. Потоа на состанокот беа дискутирани менаџмент предизвиците со кои се соочила секоја од организациите во текот на реализацијата на проектот.
Вториот ден од состанокот започна со претставување на евалуацијата на интелектуалниот aутпут 2 од страна на сите партнерски организации, како и предизвиците, пречките и проблемите со кои сите се имаат соочено во текот на реализацијата на вториот интелектуален аутпут.
Остатокот од состанокот беше посветен на тестирање на отворениот образовен ресурс, секој претставник од партнерските организации го тестираше својот јазик на платформата, заедно со курсот и видеата поставени на платформата. Во овој дел од состанокот беа тестирани 3 од 4-ите модули на платформата.
Третиот ден од состанокот се пристапи кон тестирање на 4-тиот модул од курсот и тестирање на сите функционалности на отворениот образовен ресурс. По финалното завршување на тестирањето секоја партнерска организација направи извештај за сите корекции и багови кои се јавуваат на платформата и е потребно да се коригираат за отворениот образовен ресурс да добие целосна функционалност.
По завршување на тестирањето на платформата, проектниот координатор премина кон презентација на сработеното за третиот интелектуален аутпут, односно развојот на мобилната апликација.
Нa крајот од состанокот беа презентирани идеите за реализација за мултиплајер евентите од страна на партнерските организации, а од страна на проектниот координатор им беа претставени деталните буџети за оваа активност како и начинот на репортирање за истиот.
Next post